دورة السبيخية

تذكير بمساهمة فاتح الموضوع :

السلام عليكم ورحمة الله تعالى و بركاته


اليوم يا الخاوة اذا ما سمعتوش راهي كاينة tورنوا تاع البالو في "السبيخية" و بالتحديد في الحصيدة الملعب مجهز ( مطراسي ) المهم اليوم راني جبتلكم المجموعات و موعد المباريات الاولى لكل مجموعة
بسم الله نبداو
بالاك ما يعجبوكمش الاسماوات مي نتمناو الدورة هذي تنجح و حساب الشوفة الكونفدرالية السبيخية لكرة القدم راهي منظمة الحية مليح Bون
نبداو


المجموعة D
* نادي الرعد
* نادي الجزيرة
* نادي الاسود
* نادي الرجفة

هذا بالنسبة للمجموعات
اما بالنسبة لمواعيد المباريات فهي كاتالي :
المبارات الافتتاحية تكون
-يوم الثلثاء 11/04/2010
المجموعة A
* نادي البافانا VC نادي الحملة 15:00

* نادي النسور VC نادي الصدة 17:00
-يوم الاربعاء 12/04/2010
المجموعة B
* نادي السداري VC نادي اولاد الحومة 17:00
-يوم الخميس 13/04/2010
المجموعة B
*نادي نادي بوخوم VC نادي الاشبال 17:00
-يوم الجمعة 14/04/2010
المجموعة C
* نادي الامجاد VC نادي النجوم 15:00

* نادي الغواصة VC نادي الشباب 17:00
-يوم السبت 15/04/2010
المجموعة D
*نادي الرعد VC نادي الجزيرة 15:00

* نادي الاسود VC نادي الرجفة 17:00

هذه هي اولى مباريات الدورة وفيما يخص المباريات الاخرى انا كرهت الكتيبة
( اللي عينو يتفرج كاش ماطش محدد يدير حسابو : كل يوم كاين ماتش على 17:00 و يوم الجمعة و السبت و الثلثاء كاين زوج ماطشات الاول يبدى على 15:00 و التاني على 17:00 .

نتمناو النجاح لهذي الدورة و اللي قادر يجي يتفرج مرحبا بيه يهبط للحصيدة منين يلقى الغاشي يريح و يتفرج


هذه الدورة برعاية منتدى شباب عين البيضاء احريش

من تغطية صحفي قناة عين البيضاء احريش TV سامي من السبيخية

مشكوووووووور سامي

كان معكم سامي مراسل قناة شباب عين البيضاء احريش الرياضية

شكرا سامي
وبارك الله فيك على المتابعة والتغطية الجيدة
ننتضر المباريات القادمة بفارغ الصبر
دمت وفيا لنا يا صديقي

وفنا بالتغطية عن اجواء الملعب و المتفرجين و الاجواء التي تسود اللقاء و هل يمكنك التقرب الى بعض اللاعبين لو امكنك و الحديث معهم و أخذ بعض التعليقات الحصرية

تعليقات حصرية
بارك الله فيك ياأحمد
ولازم يجب الخبر عاجل وحصري على منتدي عين المكان

السلام عليكم ورحوة الله تعالى وبركاته
نورتونا الموضوع يا الخاوة
اليوم و لسوء الاحوال الجوية لم تكتمل مجريات المبارات الاولى حيث تم توقيف المبارات لتهاطل الامطار بغزارة على الملعب و اجلت المبارات الثانية و الشوط الثاني من المبارات الاولى كي لا تسوء ارضية الميدان
اما نتيجة الشوط الاول من المبارات فانتهت ب
*نادي الرعد 1-1 نادي الجزيرة
و هدف نادي الرعد كان من توقيع عصام خطابي و المدعو الشاوي كي عاد خو صاحبي برك كتبتو
وفي انتظار الجديد لموافاتكم به

مشكوووور يا مبعوث المنتدى الرياضي

و ما هي اخبار اليوم ايها المراسل النشيط

شكرا سامي على الأخبار الجيدة
وننتضر منك مواضيع جديدة عن الدورة كما نطلب منك تزويدنا باالجوائز المنتظر تسليمها ولو تقدر ديرنا حوار مع كاش فريق من الفرق اللي مرشحة للفوز بريادة الدورة

السلام عليكم
البارح ما كانش ماطشات خافو على التيرا تفسد
اليوم جرات احداث المبارات المتاخرة من المجموعة D
وكانت النتيجة كاتالي :
* نادي الاسود 2-3 نادي الرجفة
و في انتظار الخبر حول الشوط الثاني من مبارات الاولى
وغدو انشاء الله رايح تكون فيها زوج مباريات و مانيش سير من اللي رايحين يلعبو المبارات . امالا كي يلعبوا و يخلصوا راني رايح نجيبلكم النتائج

و فيما يخص التعليقات و الفرق المرشحة رايح ندير لي نقدر عليه Pاسكو عندي صحابي مشاركين في التورنوا و الرحمة تاع ربي

شكرا يا مراسل منتدانا الغالي
راك مراسل رائع علابالك خرجت عليك الخدمة كون تكمل قرايتك صحافة

مشكوووووور سامي ننتظر منك الجديد على احر من الجمر

شكرا اخي سامي
على المجهود المبذول

السلام عليكم و رحمة الله تعالى وبركاته
سمحولي الخاوة بالاك طولت عليكم هذو الليام ماجبتلكم حتى خبر مي الله غالب ماكانتش عندي كوناكسيون ...
المهم انشاء الله نعوض عليكم نهار لافينال اللي هو نهار السبت 08/05/2010
الفينال انشاء الله راح يكون بين
* اولاد الحومة X السداري
اللي هوما من نفس المجموعة B لعبو التور الاول مع بعاض
والماتش تاعهم خلص 1-1

المهم حساب ما قرعجت من مصدر موثوق
جائزة الفائز بالدورة رايحة تكون رحلة لبجاية لمدة اسبوع مدفوعة التكاليف
لي ماتش تاع الدورة راهم هالين و الجمهور من كل بلاصة
و ما دا بينا لوكان يكون حضور من عند اعضاء المنتدى ..
و السلام

خسارة نهار السبت عندي رحلة لقالمة المهم اتهلا يا سامي و كوت تصيب صورنا بالبرتابل باش ندخلو الصور

أخي سامي أنا راني مبروقرامي نروح بالسبت لجيجل عندي خدمة تمة نفريها وندير بوسيبل باش نلحق بالماتش
وبارك الله فيك أخي على المتابعة المتميزة
وشكرا

السلام عليكم ورحمة الله تعالى و بركاته
الليوم جرات المبارات النهائية تحت حضور جماهيري غفير " اللخر ما يلقاش بلاصة" المهم :
الماتش خلص 1-0 لاولاد الحومة و كان ماتش شباب انا شفت الدوزيام ميطو برك


يتبع

بارك الله فيك سامي تستحق أعلى تقدير

شكرا سامي على الموضوع
بارك الله فيك على لتغطية
ونعزمو عليك فالتغطيات الجايين